الشاعرة السودانية داليا الياس تعود للتصريحات المثيرة للجدل

الخرطوم : سودان ديلي نيوز

قرّرت الشاعرة والإعلامية داليا إلياس، مقاضاة الشركة السودانية للكهرباء.

وذلك اعتراضاً على القطوعات التي ظلت تعاني منها البلاد.

وترى داليا أنها طالما قامت بسداد مقابل الكهرباء مقدماً، فإن من حقها الاستمتاع بالخدمة كاملة.

ووجهت إلياس هجوماً عنيفاً للمسؤولين، واستعرضت أضرار الانقطاع المستمر للتيّار.

وكتبت داليا على صفحتها بالفيسبوك: “تقريباً معظم السودان قاطع من قبل ٦ ص.. وما في مسؤول محترم كلف نفسه ينبه الناس ولا يطلع يعتذر ويوضح.. الناس ديل حقارين عدييييل كدا… وما عاملين لينا أي اعتبار ولا شايفين عندنا قيمة… قاعدين ضاربين الهواء البارد ويتلولحوا بالكراسي الفرحانين بيها دي!! ياخ كهربتكم دي ما لشحن التلفونات والمكيف والموية الباردة بس رغم إنها أبسط حقوقنا…انتو وقفتوا حياتنا وما مراعين لمرضى ولا أطفال ولا كبار سن ولا شغل معطل ولا أكل مجابدنو مجابدة باظ فى التلاجات البقت عبارة عن دواليب ولا لأجهزة كهربائية تعطلت بسبب عبثكم المتعمد”.

وختمت: “ياخ أنا دايرة محامي يرفع لي قضية على شركة توليد الكهرباء دي.. أنا مشترية كهرباء مقدم بمبلغ وقدره لأغراض معينة حسب حاجتي وتفاصيل حياتي.. دا انتهاك واضح وصريح.. وأنا جادة والله”.

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

error: المحتوي محمي